බි‍්‍රතාන්‍යයේ දෙවැනි මහ එලිසබත් රැජිනගේ දියමන්ති ජුබිලිය නිමිත්තෙන්, ඇයට ගෞරව කිරීමක් ලෙස, ලන්ඩනයේ ඉදිකර ඇති සුප‍්‍රසිද්ධ ‘බිග් බෙන්’ ඔරලෝසු කුලූන, ‘එලිසබත් කුලූන’ යනුවෙන් පෙරේදා (2) නම් කෙරුණි.

දියමන්ති ජුබිලිය පැවැත්වෙන්නේ රැජින කිරීටය පැළැඳ වසර 60 ක් සැපිරීම නිමිත්තෙනි. දෙවැනි එලිසබත් රැජින කිරීටය පැළැඳියේ 1952 වසරේදීය. ඒ වනවිට ඇගේ වයස අවුරුදු 25 කි. දැන් ඇය 86 හැවිරිදි මිත්තණියකි.

‘බිග් බෙන්’ ඔරලෝසු කුලූනේ නම වෙනස් කිරීමට අගමැති ඬේවිඞ් කැමරන් ප‍්‍රමුඛ බි‍්‍රතාන්‍ය මැති ඇමැතිවරුන් තුන්සිය තිස් එක් දෙනකුගේ කැමැත්ත ලැබුණු බව ද විදෙස් පුවත් සේවා වාර්තා කරයි. දියමන්ති ජුබිලිය නිමිත්නෙන් ලන්ඩන් නුවර දින හතරක් පුරාවට විශේෂ උත්සව සහ සැණකෙළි ද පැවැත්වේ.