ලොව මූර්ත පොළී අනුපාතිකය වැඩිම රටවල් අතරින් ශ්රී ලංකාව අංක එකට පත්ව ඇතැයි බ්ලූම්බර්ග් වෙබ් අඩවිය වාර්තා කරයි.
ශ්රී ලංකාවට අමතරව පාකිස්තානය සහ ඉන්දියාව ලොව ප්රධාන ආර්ථික අතුරින් ඉහළම මූර්ත පොළී ඇති රටවල් අතර මුල් ස්ථාන පහට ඇතුළත්ව තබේ. මේ අනුව ලොව ඉහළම මූර්ත පොළී අනුපාත ඇති රටවල් බවට පත්ව ඇත්තේ දකුණු ආසියාතික රටවල්ය.
මේ තත්ත්වය හේතුවෙන් කලාපයේ රටවලට නම්යශීලි, ලිහිල් සහ සුමට මූල්ය ප්රතිපත්ති අනුගමනය කිරීමට සිදුව ඇතැයි ද එම වෙබ් අඩවිය පෙන්වාදෙයි.
ලොව ඉහළම මූර්ත පොළී අනුපාතිකයට හිමිකම් කියන ශ්රී ලංකාවේ මූර්ත පොළී අනුපාතිකය සියයට 6.2ක් වන අතර මේ තත්ත්වය හේතුවෙන් මහ බැංකුවට අඩු ආර්ථික වර්ධනයක් බලාපොරොත්තු වීමට සිදුව ඇතැයි ද එම පුවත් වාර්තාව පෙන්වාදෙයි.
දේශපාලන අර්බුදය ද ශ්රී ලංකාවේ මෙම ඉහළ මූර්ත පොළී අනුපාතික තත්ත්වයට හේතු වූ බව පෙන්වා දී තිබෙන එම වෙබ් අඩවිය මේ තත්ත්වය හේතුවෙන් ශ්රී ලංකා මහ බැංකුව වසර අවසානයේදී ප්රතිපත්ති පොළී අනුපාත පැවැති තත්ත්වයේම නොවෙනස්ව තබාගැනීමට පියවර ගත්තේය.
ලොව වැඩිම මූර්ත පොළී අනුපාතිකවලට හිමිකම් කියන රටවල් වන දකුණු ආසියාතික රටවල උද්ධමනය ඉහළ බවත් පොළී අනුපාත සීරුමාරු කරන බවත් බ්ලූම්බර්ග් වෙබ් අඩවිය පෙන්වාදෙයි.
බ්ලූම්බර්ග් වෙබ් අඩවියේ එම ශ්රේණීගත කිරීම්වලට අනුව ශ්රී ලංකාවේ මූර්ත පොළී අනුපාතිකය සියයට 6.2ක් ලෙසත්, ඊජිප්තුවේ සියයට 4.8ක් ලෙසත් සඳහන්ව ඇත. ඉන්දියාවේ සහ පාකිස්තානයේ මූර්ත පොළී අනුපාතිකය සියයට 4.3ක් ලෙස සටහන්ව තිබේ. පස්වැනි තැනට පත්ව තිබෙන තුර්කියේ මූර්ත පොළී අනුපාතිකය සියයට 3.7ක ලෙස සටහන්ව ඇත.
රටක් ඍණ මූර්ත පොළී අනුපාතිකයක් පවත්වාගෙන යන්නේ නම් එය මූල්ය අස්ථාවරත්වය පෙන්නුම් කරන සංඥාවක් ලෙස සලකයි. එමෙන්ම ඉහළ උද්ධමනය, සීරු මාරුවට වෙනස් කරන පොළී අනුපාතවලට හිමිකම් කියන අතර එම කරුණු නිසා මහ බැංකුවලට ලිහිල් ප්රතිපත්තිවලට කටයුතු කිරීමට සිදුවේ.
ඉන්දියාවේ මුදල් අමාත්ය අරුන් ජෙට්ලි අවස්ථා කිහිපයකදීම ඉහළ මූර්ත පොළී අනුපාත සම්බන්ධයෙන් චෝදනා කළ අතර ලබන මාසයේදී පොළී අනුපාත කපා හැරීම සම්බන්ධයෙන් එරට ආර්ථික විද්යාඥයන් අවධානය යොමු කර ඇතැයි ද වාර්තා විය.
උද්ධමනය පහත අගයක පැවැතුණහොත් ඊජිප්තුව ද ඉදිරියේදී පොළී අනුපාත කපා හරිනු ඇතැයි වාර්තා වේ. ගෙවුම් ශේෂ අර්බුදයක් ඇති වීමේ අවදානම හේතුවෙන් දැඩි තීරණයක් ගනිමින් පාකිස්තානය ද පසුගිය වසරේදී පොළී අනුපාත කපා හැරීමට තීරණය කළේය. එමෙන්ම ආර්ථිකයේ ව්යුහාත්මක වෙනස් කිරීමට ද පාකිස්තානය පියවර ගත්තේය.
කෙසේ නමුත් තුර්කියේ තත්ත්වය සංකීර්ණ වී තිබේ. ඇමෙරිකා එක්සත් ජනපද ඩොලරයට සාපේක්ෂව එරට මුදල් ඒකකය වන ලීරා මුදල් ඒකකය අවප්රමාණය වීම ඊට ප්රධාන වශයෙන් හේතු වී තිබෙන අතර මේ හේතුව එරට ආර්ථිකය අර්බුදකාරී තත්ත්වයකට මුහුණ දී සිටී.
බ්ලූම්බර්ග් ඇසුරිනි
055
වරැන් බෙවරේජස් ලංකා යනු ශ්රී ලංකාවේ ප්රමුඛ පෙළේ සිසිල් බීම නිෂ්පාදකයකු වන අතර, ඔවුන් එක්සත් ජනපදයෙන් පිටත PepsiCo හි විශාලතම සැපයුම්කරු වේ. ඔවුන් විසින්
මෝටර් රථ ක්ෂේත්රයේ ප්රමුඛතම සන්නාමයක් වන Toyota ලංකා (පෞද්ගලික) සමාගම විසින් දිවයින පුරා විසිරී සිටින සිය අලෙවි නියෝජිතයන්ගේ විශිෂ්ට සේවාව අගය කිරීම වෙ
ඇපල් සමාගම හෙට (07) පැසිෆික් වේලාවෙන් උදෑසන 7ට පැවැත්වෙන විනාඩි 35ක අතත්ය උත්සවයකට සහභාගී වීමට සියල්ලන්ටම ආරාධනා කළේය.
ආනවිලුන්දාව රැම්සාර් තෙත්බිම් හි, ස්වභාවික කඩොලාන ප්රතිස්ථාපනය කිරීමේ ව්යාපෘතිය සඳහා වනජීවී සංරක්ෂණ දෙපාර්තමේන්තුවේ (DWC) ප්රධාන පාර්ශවකරුවකු වන
චීනයේ විශාලතම මෝටර් රථ ප්රදර්ශනය වන බෙයිජිං මෝටර් රථ ප්රදර්ශනය පසුගිය 25 වෙනිදා සිට ඊයේ (04) වැනිදා දක්වා බෙයිජිං නුවරදී පැවැත්විණි.
ලොව ධනවත්ම පුද්ගලයන්ට පැරිස් ඔලිම්පික් තරගාවලිය නැරඹීම සඳහා ඇමෙරිකානු ඩොලර් 381,600 ක (ශ්රී ලංකා රුපියල් කෝටි 11ක පමණ) අති විශේෂ පැකේජයක් හඳුන්වා දීමට ජී.ආ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලොව ඉහළම මූර්ත පොලී අනුපාතය ලංකාවේ