ඇමෙරිකා නව ජනපති ලෙස තේරීපත්වූ ඩොනල්ඩ් ට්රම්ප්ගේ ජයග්රහණය පිළිගත නොහැකි බව කියමින් ප්රාන්ත රැසක වැසියෝ විරෝධතා ආරම්භ කළහ.
නිව්යෝක්හී ට්රම්ප්ගේ නිවස ඉදිරිපිට සහ ඔහුගේ ව්යාපාරික ස්ථාන ඉදිරිපිට ද විරෝධතා පැවැත්වෙයි.මේ හේතුවෙන් මාර්ග කිහිපයක් වසා දැමීමට සිදු වූ බව පොලිසිය පවසයි. මේ වන තෙක් ප්රචන්ඩ ක්රියා කිසිවක් වාර්තා නොවු බවත් කිසිවෙක් අත්අඩංගුවට ගෙන නොමැති බවත් කියති.
“ට්රම්ප් මගේ ජනපති නොවේ“,“ට්රම්ප් එපා“,ඇමෙරිකාවට ජාතිවාදය එපා“ යන පාඨ අතැතිව ඔවුහූ පාගමන් යති.වෙඩි හුවමාරුවක් පිළිබඳ වාර්තා වූ බවත් ඒ සම්බන්ධයෙන් පරීක්ෂණ සිදු කරන බවත් පොලිසිය කියයි.
චිකාගෝ,කැලිෆොනියා,ලොස් ඇන්ජලිස්,සැන් ප්රැන්සිස්කෝ සහ ටෙක්සාස් යන ප්රදේශවල ද විරෝධතා පැවැත්වෙයි.
කැලිෆෝනියා විශ්ව විද්යාලයේ සිසුහු සහ ගුරුවරු ද විරෝධතාවයට එක් වූහ.විරෝධතාකරුවෝ ට්රම්ප් කුළුන ඉදිරිපිට ඇමෙරිකා ධජ වලට ගිනි තැබූහ.
(ඡායාරූප-රොයිටර් පුවත්/ඒ.එෆ්.පී/ගෙටී ඉමේජස්)
