සිය මොළයේ සැත්කමක් සිදුකෙරෙන පැය 12 ක කාලය අතරතුර සැක්සෆෝනය වාදනය කිරීමේ ඇදහිය නොහැකි සිදුවීමක් ස්පාඤ්ඤයෙන් වාර්තාවේ.
27 හැවිරිදි කාලෝස් ඇගුයිලේරා වෘත්තියෙන් සංගීතඥයෙකි. ඔහුගේ මොළයේ ඇතිවූ ගෙඩියක් ඉවත්කිරීමට සැත්කමකට භාජනය කෙරුණු අතර ස්පාඤ්ඤයේ මලාගාහි කාලෝස් හායා රෝහලේ දී සැත්කම සිදුකරන අතර කාලයේ ජෑස් සංගීතය කියවමින් ඔහුගේ ප්රේක්ෂකයන්වූ වෛද්යවරු හා කාර්ය මණ්ඩලයේ 16 දෙනකු සැක්සෆෝන් වාදනයෙන් පිනවා ඇත. බදාදා ප්රවෘත්ති සාකච්ඡාවකට එක්වෙමින් ඇගුයිලේරා තමාගේ අසාමාන්ය සැත්කම පිළිබඳව විස්තර කළේය.
සංගීතයෙන් තොරව තමගේ කිසිවක් නැතැයි ඔහු කියා තිබිණි.
සැත්කම අතරතුර ඔහු සන්සුන්ව තම වාදනය කළ බවත් එයින් ඔහුගේ වේදනාව සංසිඳුණු බවත් කියයි. වෛද්යවරු සංගීත සටහන් ඔහුට පහසුවන පරිදි පෙනෙන්නට සලස්වමින් ඔහුගේ වාදනයට සහාය දුන් බවත් කියති.
