වෙස්ට් වර්ජීනියා ආරණ්‍ය සේනාසනයේ  විහාරාධිකාරී සීලානන්ද හිමි විසින් රචිත "අවර් බුද්ධා" (අපේ බුදුහාමුදුරුවෝ) කෘතියේ මුල් පිටපත ඇමරිකාවේ ප්‍රධාන සංඝනායක , නිව්යෝර්ක් බෞද්ධ විහාරයේ විහාරාධිපති කුරුණෑගොඩ පියතිස්ස නාහිමියන්ට වෙසක් පුර පසළොස්වක පොහෝ දිනයේදී  පූජා කැරිණි.

කෘතියේ පිටපතක් ඇමරිකාවේ එක්සත් ජාතීන්ගේ සංවිධානයේ  ශ්‍රී ලංකා නිත්‍ය නියෝජිත කාර්යාලයේ ආරක්‍ෂක උපදේශක මේජර් ජෙනරාල් උභය මැදවල මහතාට ද පිළිගැන්වූ අතර එහි තවත් පිටපතක් එක්සත් රාජධානියේ ප්‍රධාන සංඝනායක ස්කොට්ලන්ත බෞද්ධ විහාරාධිපති ග්ලාස්ගෝ විශ්වවිද්‍යාලයේ කථිකාචාර්ය කඹුරාවල සිරි රේවත නාහිමියන්ටද පිළිගැන්විණි.