ඇමෙරිකාව තමන්ට පහර දුන්නත්, එම ප්‍රහාරයෙන්, තම රටට බරපතළ හානියක් සිදු නොවූ බව ඉරාන උත්තරීතර නායක අයතුල්ලා අලි කමේනි පවසයි.
ඉරානය යනු කිසිවිටෙක, කිසිවකුට යටත් නොවන ජාතියක් බවත්, ඊශ්‍රායලයට එරෙහි යුද්ධයේ දී ජය අත්වූයේ ඉරානයට බවත් ඉරාන උත්තරීතර නායකයා පවසා ඇත.
අයතුල්ලා අලි කමේනි මේ බව කියා සිටියේ, ඉරාන රාජ්‍ය රූපවාහිනිය ඔස්සේ විකාශය කළ පටිගත කළ වීඩියෝවක් හරහාය.
ඇමෙරිකාව, ඉරාන න්‍යෂ්ටික මධ්‍යස්ථානවලට එල්ල කළ ප්‍රහාරයෙන් අනතුරුව අයතුල්ලා අලි කමේනි ප්‍රසිද්ධියේ ප්‍රකාශයක් කළ පළමු අවස්ථාව ද මෙයයි.
එම ඇමෙරිකන් ප්‍රහාරයෙන්, ඉරානයට සංඛේතාත්මක බලපෑමක් එල්ල වුවත්, එය ඉරානයට දැනෙන විදියේ බලපෑමක් නොවන බවය.
ඇමෙරිකා ජනාධිපති ඩොනල්ඩ් ට්‍රම්ප්ගේ අණ පරිදි, ඇමෙරිකන් හමුදාව ඉරානයේ න්‍යෂ්ටික ඉලක්කවලට ප්‍රහාර එල්ල කළේ බී2 යානා යොදාගෙන බංකර් නාශක බෝම්බ භාවිතයට ගනිමිනි.
