මෙහෙයුමකින් පසු නැවත කඳවුර බලා පැමිණෙමින් සිටි ඉරාක ප්රහාර ගුවන්යානයක හදිසියේ මතුවූ කාර්මික දෝෂයක් නිසා එහි වූ බෝම්බයක් බැග්ඩෑඩයේ ජනාකීර්ණ පෙදෙසකට වැටී පුපුරායෑමෙන් පුද්ගලයින් 12 දෙනෙකු මියගොස් ගොඩනැගිලි රැසකට අලාභ හානි සිදුව තිබේ.
මෙහෙයුම අවස්ථාවේදීත් මෙම යානය කාර්මික දෝෂ වලට ලක්ව ඇතැයි සඳහන් වන අතර බැග්ඩෑඩයට වැටුණු බෝම්බය අයිඑස් ඉලක්කයක් මත පතිත කිරීමට නියමිතව තිබු එකක් බව කියති.
සුකෝයි එස්යූ 25 වර්ගයට අයත් වන මෙම යානය ඉරාකයට ලබාදී ඇත්තේ රුසියාවයි.
බැග්ඩෑඩයට සැතපුම් 70 ක පමණ දුරින් පිහිටි රමාඩි නගරය මේ වන විට අයිඑස් අණසක යටතේ පවතී. අන්තවාදීන්ගේ ඊළග ඉලක්කය වන්නේ බැග්ඩෑඩ් නගරය හෙයින් හඳුනාගත් සතුරු ඉලක්කයන්ට දැඩි ප්රහාර එල්ල කිරීම ඉරාක ආරක්ෂක අංශ මේ දිනවල සිදුකරයි.
