ඉන්දියාවේ නවදිල්ලි අගනුවර දුම්රිය ස්ථානයේ හටගත් තෙරපීමකින් 18 දෙනෙක් ජීවිතක්ෂයට පත්වූහ. මියගිය පිරිස අතර කාන්තාවන් 10 දෙනකු සහ කුඩා දරුවන් සිවු දෙනකු සිටින බව පැවැසෙයි.
මහා කුම්භමේලා උත්සවය ඉන්දියාවේ පැවැත්වෙයි. ඒ වෙනුවෙන් යොදවා ඇති දුම්රිය දෙකක් ප්‍රමාද වීම හේතුවෙන් දුම්රිය ස්ථානයේ මෙම තෙරපීම සිදුවුණු බව පැවැසෙයි.
සිදුවුණු තෙරපීම සම්බන්ධයෙන් විශේෂ විමර්ශනයක් පැවැත්වීමට පියවර ගන්නා බව දුම්රිය දෙපාර්තමේන්තුව පවසා ඇත.
(එන්.ඩී.ටීවී.)
