ඇමරිකා එක්සත් ජනපදයේ කැලිෆෝනියා ප්‍රාන්තයේ සැන් බර්නාඩිනෝහිදී පුද්ගලයන් 14 දෙනකු මරාදැමූ තුවක්කුකරුවන් දෙදෙනකු පොලිස් වෙඩි ප්‍රහාරවලින් මිය ගිය බව එරට පොලිසිය පවසයි.

රයිෆල් හා පිස්තෝල අතැතිව සිටි පුද්ගලයන් 5 දෙනකුගෙන් පමණ යුතු කණ්ඩායමේ පිරිමියකු හා කාන්තාවක මෙසේ පොලිසිය අතින් ඝාතනය වී ඇති අතර ඔවුන්  අද පෙරවරුවේ සැන් බර්නාඩිනෝහි සන්නිවේදන කේන්ද්‍රයේ පැවැති සාදයකට පැන මෙසේ වෙඩි තබා ඇතැයි කියති.

2012 වසරේදී නිවුටන් හි පාසලක සිදුවූ වෙඩි තැබීමෙන් පසු සිදුවූ විශාලතම සමූල ඝාතනය මෙය බව බීබීසී පුවත් සේවය පවසයි. එහිදී පුද්ගලයන් 26 දෙනකු මරා දැමිණි.

එම වෙඩි ප්‍රහාරයෙන් 17 දෙනකු තුවාල ලබා ඇතැයිද එරට රෝහල් ආරංචි කියයි.