තායිවානයේ අගනුවර තායිපේ නගරය වෙත එක් වූ දසදහස් ගනන් ජනතාව සමරිසි විවාහ නීතිගත කරන ලෙස ඉල්ලමින් දැවැන්ත පාගමනක යෙදුනු බව විදෙස් මාධ්ය වාර්තා කරයි. විචිත්රවත් ඇඳුම් වලින් සැරසුනු දේදුන පැහැයෙන් යුත් ධජ රැගත් ජනතාව තායිවාන ජනාධිපති මන්දිරය ඉදිරිපිට රැඳී සිටිමින් තම ඉල්ලීම් ඉදිරිපත් කර ඇත.
සමරිසි අයිතිවාසිකම් සම්බන්ධව ආසියානු රටවල් අතර තායිවානය වඩා ලිහිල් ප්රතිපත්තියක් අනුගමනය කළත් විවාහ නීතිගත කර නැත. මාස පහකට පෙර බලයට පත් වූ ප්රජාතන්ත්රවාදී ප්රගතිශීලී පක්ෂය සමලිංගික, ද්විලිංගික හා ලිංගික විපර්යාසයන්ට ලක් වූ පුද්ගලයන් සම්බන්ධව සානුකම්පිතව කටයුතු කරන බව පැවසේ. නව රජය යටතේ සමලිංගික විවාහ යථාර්තයක් වනු ඇති බවට බොහෝ දෙනා බලාපොරොත්තු තබා ඇත. එසේ වුවහොත් තායිවානය සමලිංගික විවාහ නීතිගත වූ ප්රථම ආසියාතික රට වනු ඇති බව විචාරකයෝ පවසති.
