උතුරු කොරියාව සිය පස්වැනි න්‍යෂ්ටික බෝම්බය අද උදෑසන අත්හදා බැලීය.

ඇමරිකා  භූ විද්‍යා සමීක්ෂණාගාරය පවසන්නේ මීට පෙර උතුරු කොරියාව න්‍යෂ්ටික අත්හදා බැලීම් සිදුකළ පුනගෙ-රී ප්‍රදේශයෙන් 5.3ක විශාලත්වයෙන් යුත් කම්පන තත්වයක් වාර්තා වූ බවයි. එය පිපිරීමකින් ඇතිවූ කෘත්‍රීම කම්පනයක් බව තහවුරු වුවත් එහි ස්වභාවය සම්බන්ධව තොරතුරු ලැබී නොමැති බව ඔවුන් පවසා ඇත.

අද ජාතික දිනය සමරන උතුරු කොරියාව මෙම පිපිරීම සම්බන්ධව මෙතෙක් කිසිවක් ප්‍රකාශ කර නැත.

සියලුම ආකාරයේ න්‍යෂ්ටික බෝම්බ හා මිසයිල අත්හදා බැලීම් සම්බන්ධව එක්සත් ජාතීන්ගේ සංවිධානය විසින් උතුරු කොරියාවට තහනමක්ද පනවා තිබේ.