සඳ මත මෙහෙයුමක් සිදු කිරීමට ප්රථම වරට පෞද්ගලික සමාගමක් ඉදිරිපත් වී ඇත. මෙය ජර්මානු සමාගමක් වන අතර ඔවුන් බලාපොරොත්තු වන්නේ මීට පෙර සඳ මත ඇපලෝ 17 යානය ගොඩබැස්වූ ප්රදේශයට සූර්ය බලයෙන් ක්රියාකරන රොබෝවෙකු ගොඩබැස්වීමයි.
මීටර් 500ක් පමණ දුරක් එහා මෙහා ගමන් කළ හැකි මෙම රොබෝවාට ඉතා ඉහල තත්වයේ ඡායාරූප සහ වීඩියෝ දර්ශන සම්ප්රෙෂණය කිරීමේ හැකියාව ද ඇති බව පැවසේ. මෙමගින් ඇපලෝ 17 ගගනගාමීන් සඳ මත ගමන් කර අතහැර දමා ආ රථයේ වර්ථමාන තත්ත්වය හා චන්ද්රයාගේ පරිසර තත්ත්ව යටතේ එහි සිදු වී ඇති වෙනස්කම් සම්බන්දව ද අධ්යයනය කිරීමට නියමිතය.
නාසා ආයතනය උපදෙස් දී ඇත්තේ මෙම මෙහෙයුම සඳේ ඇමරිකානු අභ්යාවකාශ ඒජන්සිය උරුමකම් කියන ප්රදේශයට කිලෝමීටර් දෙකක්වත් ඈතින් සිදු කල යුතු බවයි. ප්රථම සඳ ගමනට අයත් ඓතිහාසික ස්ථාන වලට හානි සිදු වීමේ අවදානමක් ඇති නිසා මීටර් 200කට වඩා ආසන්නයට නොයා යුතු බවද නාසා ආයතනය අවධාරණය කර ඇත.
