ස්පාඤ්ඤයේ සාම්ප්රදායිකව පවත්වන ගොන්පොර තහනම් කරන ලෙස ඉල්ලමින් මැඩ්රිඩ් නුවරට එක්වූ දහස් ගණන් ජනතාව විරෝධතාවයක් කළහ.
ගොන් පොර කුරිරු සම්ප්රදායක් බවත් එය තම ජාතිය නින්දාවට පත් කරන බවත් පවසමින් විරෝධතාකරුවෝ වීදි බැස සිටියහ. ඔවුන් පවසන්නේ විනෝදාස්වාදය සඳහා සතුන්ට වදහිංසා පැමිණවීම නැවැත්විය යුතු බවයි.
සෑම වර්ෂයකම ගොන්පොර උත්සව 2000ක් පමණ ස්පාඤ්ඤයේ පැවැත්වෙන අතර බොහෝ සංචාරකයින්ද මේවාට සහභාගී වේ.
පසුගිය ජූලි මාසයේ සිට ඉතාලි රජය විසින් උත්සව අවස්ථාවන්හිදී ගොනුන් මැරීම තහනම් කර ඇත.
