මේ දිනවල චීනයේ පවතින උණුසුම් කාලගුණය හමුවේ සැනසීමක් ලබාගනු වස් බොහෝ චීන ජාතිකයින් තෝරා ගන්නේ එරට උද්‍යානයක කෘත්‍රිම මළ මුහුදයි.

අරාබිකරයේ පිහිටි සැබෑ මළ මුහුදට සමානව නිමවා ඇති මෙය විසල් පිහිනුම් තටාකයකට සමානය. එකම වෙනස වන්නේ මෙහි පිහිනීමට පිහිනන්නට දැන සිටීම අවශ්‍ය නොවීමය. සැබෑ මළ මුහුද හා සමානව මෙම තටාකයේ ජලයේ ඝණත්වය වැඩිකර තිබෙන බැවින් එයට බසින කිසිවෙකුත් ගිළෙන්නේ නැත.

පසුගියදා දස දහසක් පමණ චීන ජාතිකයින් මේ තටාකය වසාගෙන පාවෙමින් සිටිනු දැකගත හැකිවිය. තදබදය කෙතරම් දැඩි වූයේ ද යත් පිටතට පැමිණීමට අවශ්‍ය වූවන්ට එම අවස්ථාව ලැබෙන තෙක් බොහෝ වේලාවක් බලා සිටීමටද සිදුවිය.