ඉන්දීය රජය සමඟ සාකච්ඡා කර, පවතින අර්බුදයට විසඳුම් සෙවීමට තමන් සූදානම් බව, පාකිස්තාන අග්‍රාමාත්‍ය ෂෙහ්බාස් ෂරීෆ් අවධාරණය කරයි.
පාකිස්තාන අග්‍රාමාත්‍යවරයා ,මේ බව අවධාරණය කළේ ඉස්ලාමාබාද් අගනුවර, බ්‍රිතාන්‍ය මහ කොමසාරිස් ජේන් මැරියොට් හමුවී සාකච්ඡා පැවැත්වීමෙන් අනතුරුවය.
ඉන්දියාවත් පාකිස්තානයත් අතරේ ගැටුම්කාරී තත්ත්වය සමතයකට පත් කිරීමට, අවශ්‍ය ඕනෑම ආකාරයක සහායක් ලබා දීමට පියවර ගන්නා බව ද බ්‍රිතාන්‍ය මහ කොමසාරිස් ජේන් මැරියොට්, පාකිස්තාන අග්‍රාමාත්‍යවරයා හමුවේ පැහැදිලි කළ බව වාර්තා වේ.
ඉන්දියාවත් පාකිස්තානයත් අතරේ ඇයිහොඳයිකම් පළුදු වූයේ පසුගිය අප්‍රේල් මාසයේ, ඉන්දීය සංචාරකයන් පිරිසකට පාකිස්තාන ත්‍රස්තවාදීන් කළ ප්‍රහාරයෙන් පසුවය. ඉන්දීය සංචාරකයන්, 26 දෙනකුට මරු කැඳවූ එම ප්‍රහාරය මුල්කොට ගනිමින් ඉන්දියාවත් පාකිස්තානයත් අතරේ අවි ගැටුම් පැවැති නමුත් එය සමථයකට පත් විය.
ඉන්දියාව කන් දීමට සූදානම් නම්, ඵලදායී සාකච්ඡා සඳහා යොමු වීමට තමන් සූදානම් බවත්, සාකච්ඡා මාර්ගයෙන් රාජ්‍ය තාන්ත්‍රික විසඳුම් කරා යෑමට තමන් කැමැති බවත් පාකිස්තාන අග්‍රාමාත්‍ය ෂෙහ්බාස් ෂරීෆ් පෙන්වා දී ඇත.
