අයර්ලන්තයේ ජිවත්වන බෞද්ධ සැදැහැවතුන්ගේ උත්සාහයක් මත මහමෙව්නාව භාවනා අසපු ශාඛාවක් අයර්ලන්ත අගනුවර වන ඩබ්ලින් නඟරයට ආසන්න නිසසල පෙදෙසක ආරම්භ කිරීමට කටයුතු යොදා ඇත.
අසපුව සඟ සතුකොට පුජා කිරීමේ උත්සවය මෙම මස 10 වැනි ඉරුදින පැවැත්වේ. නව අසපුව පිහිටියේ කිල්ඩෙයාර් ප්රාන්තයේ ප්රොස්පරස් නඟරයේ මේපල් ටෝෆ්ට්ස් ක්ලෝස් මාවතේ අංක 57 දරන ස්ථානයේය. පින්කමෙහි කටයුතු සඳහා මහා බ්රිතාන්යයේ මහමෙව්නාව භාවනා අසපුවේ කටුනේරියේ ධම්මදේව හිමි ඇතුළු මහා සංඝ රත්නය වැඩමකරවීමට නියමිතය.
එදින සංඝගත දක්ෂිනාවක්ද පිරිනැමේ. දහවල් 12 සිට ධර්ම දේශනාව සහ සෙත් පිරිත් සජ්ජායනාව පැවැත්වේ.
අයර්ලන්තයේ බෞද්ධ විහාරස්ථානයක් හෝ අසපුවක් ආරම්භ කිරීමේ අදහසින් ශ්රී ලාංකිකන් 11 දෙනෙකුගෙන් යුතු කමිටුවක් පිහිටුවා ගෙන එමඟින් ඔවුනගේ පෞද්ගලික මුල්ය ප්රතිපාදන යොදා ගනිමින් පසුගිය මැදින් මාසයේදී ඩබ්ලින්,කොර්ක් සහ වෙක්ස්ඵර්ඩ් යන නඟර වල ලන්ඩන් නුවර මහමෙව්නාව භාවනා අසපු වාසි ස්වාමින් වහන්සේ නමක් වැඩම කරවා ආගමික වැඩසටහන් මාලාවක් සංවිධානය කළ බව කමිටු සාමාජිකයකු පැවසීය.
නව අසපුවේ පැවැත්ම සඳහා අවශ්ය මුල්ය ප්රතිපාදන උපයාගැනීම සඳහා උපකාරිවිමට www.mahamevnawa.ag හෝ [email protected] යන විද්යුත් ලිපිනයන්ගෙන් විස්තර ලබාගත හැකිය.
