(දඹුල්ල කාංචන කුමාර ආරියදාස)
පලුගස්වැව හොරිවිල වැවේ සිටින කිඹුලන් අල්ලා ඝාතනයකොට අමුවෙන් මස් හා වියලා මස් අලෙවි කිරීමේ කාලයක පටන් සිදුකරගෙන ගිය ජාවාරමක් හබරණ පොලිසියේ "මයිලෝ" නැමැති නිල සුනඛයා විසින් සොයාගත් බව පොලිසිය කියයි.
පලුගස්වැව හොරිවිල ගමේ මෙම ජාවාරමේ නිරතව සිටි පුද්ගලයන් දෙදෙනෙකු සහ වේලන ලද කිඹුල් මස් තොගයක් සහ අමුවෙන් අලෙවි කිරීම සඳහා සූදානම් කර තිබූ කිඹුල් මස් තොගයක් සමග සැකපිට ඊයේ 22 රාත්‍රියේ හබරණ පොලිසියේ දූෂණ මර්දන අංශයේ නිලධාරීන් විසින් අත් අඩංගුවට ගත් බව පොලිසිය කියයි.
හබරණ සහකාර පොලිස් අධිකාරී නිශාන්ත රත්නපාල මහතාට ගේ උපදෙස් පරිදි හබරන පොලිසියේ ස්ථානාධිපති පොලිස් පරීක්ෂක එන්. පී .එස්. ජයලත් මහතාට ලැබුණු තොරතුරක් මත පොලිසියේ පාලන අංශ ස්ථානාධිපති උප පොලිස් පරීක්ෂක පී. බී.එස් . රත්නායක මහතා හා දූෂණ මර්දන අංශයේ පොලිස් නිලධාරීන් පිරිසක් හබරණ පොලිසියේ නිල සුනඛ මයිලෝ සමග ඉතා සූක්ෂම ලෙස මෙම කිඹුල් මස් ජාවාරම සිදුකරගෙන යන පුද්ගලයන් පිළිබඳව වැටලීමක් සිදු කොට තිබේ.
ඒ අනුව පලුගස්වැව හොරිවිල ගම්මානේ නිවසක අලෙවිය සඳහා සූදානම් කර තිබූ කිඹුල් මස් තොගයක් මෙන්ම වියලන ලද අලෙවි කිරීමට සූදානම් කර තිබූ කිඹුල් මස් තොගයක් අල්ලා දීමට මයිලෝ නිල සුනඛයාට හැකිවී තිබේ.
මෙම සැකකරුවන් දෙදෙනාගෙන් ප්‍රශ්න කිරීමේ දී හෙළි වී ඇත්තේ තමන් හොරිවිල වැවේ සිටින කිඹුලන් මරා අමු මස් සහ කිඹුලන් මස් වෙලා අලෙවි කිරීම සිදු කරන බව ය.වෙනත් පුද්ගලයන්ගෙන්ද මරණ ලද කිබුල්ලන්ගේ මස් ගෙන්වා ගන්නාබවය . බොහෝ දෙනෙකු කිඹුල් මස් ආහාරයට ගැනීම සඳහා ගීජුව සිටින බවත් මස් කිලෝවක් රුපියල් 1500 ක මිලයකට අලවි කරන බව ඔවුන්ගෙන් ප්‍රශ්න කිරීමේ දී හෙළි වී තිබේ.
මෙසේ අත්අඩංගුවට ගත් කිඹුල් මස් සහ පුද්ගලයන් දෙදෙනා 23 කැකිරාව මහේස්ත්‍රාත් අධිකරණයට ඉදිරිපත් කිරීමට නියමිත බව හබරණ පොලිසිය කියයි.
මෙම සිද්ධිය සම්බන්ධයෙන්හබරණ සහකාර පොලිස් අධිකාරී නිශාන්ත රත්නපාල මහතාගේ උපදෙස් පරිදි හබරන පොලිසියේ ස්ථානාධිපති එන් .පී .එස්. ජයලත් මහතා පාලන අංශයේ ස්ථානාධිපති උප පොලිස් පරීක්ෂක පි . බී. එස්. රත්නායක දූෂණ මර්දන අංශයේ පොලිස් සැරයන් 23054 ජයසිංහ පොලිස් කොස්තාපල්වරුන් වන 53 505 සෙනවිරත්න.50959 නිහාල් 88765 දිසානායක ,68520 බණ්ඩාර 48314 බණ්ඩාර 82145 හේරත් නිල සුනක මයිලෝ නිලසුනක භාර 58924 ලීලාරත්න යන නිලධාරීහු වැටලීමට එක්වුහ
