සිතුම් චතුරංග
වවුනියාව සාලම්බපුරම් හි කසල එක්රැස් කරන මධ්‍යස්ථානය වෙත කසල බැහැර කිරීමට ප‍්‍රදේශවාසීන් පිරිසක් ඉඩ ලබානොදීම හේතුවෙන් එයට විරෝධය පලකරමින් වවුනියාව නගර සභා සේවකයින් හා මන්ත්රීවරුන් අද (29) සිට යාපනය නුවර ඒ නවය මාර්ගය අවහිර කර විරෝධතාවක නිරතවූහ.
වවුනියාව දිස්ත‍්‍රික් ලේකම් කාර්යාලය ඉදිරිපිට ඒ නවය මාර්ගයට කසල පැටවූ ට‍්‍රැක්ටර් රථ ලොරි රථ රැගෙන විත් මාර්ගය අවහිර කර විරෝධතාවයේ යෙදුණහ. මේ හේතුවෙන් මාර්ගයේ ගමනාගමන කටයුතු වලට බාධා ඇතිවිය.
වවුනියාව නගර සභා බල ප‍්‍රදේශයේ, වවුනියාව දකුණ දෙමළ ප්රාදේශීය සභා බල ප‍්‍රදේශයේ මහජනතාව විසින් ඉවත් කරන කසල වසර 25 අධික කාලයක් සාලම්බපුරම් හි ස්ථානයක් වෙත බැහැරකිරීම් සිදු කළද ප‍්‍රදේශයේ ප‍්‍රබල කැබිනට් අමාත්‍යවරයකු අත්තනෝමතික ලෙස එම ස්ථානය අත්පත් කර නිවාස සෑදිම හේතුවෙන් එකතුවන කසල ඉවත් කිරීමට නොහැකිවී ඇති බව ඔවුහු පවසති.
විරෝධතාවය සඳහා නගර සභා නිලධාරීන්, මහජන සෞඛ්‍ය පරීක්ෂකවරුන් සහ වවුනියාව දකුණ දෙමළ ප්රාදේශීය සභා නිලධාරීන් ද එක්ව සිටියහ.
