(බී.ජී.චතුරංග)
අනුරාධපුර පූජා නගරයේ තිසාවැව වෑ කන්ද පාමුල, සඳහිරු සෑය ආසන්නයේ දී අද (28) වන අලියකු සිදුකළ පහරදීමකින් කාන්තාවක් ජීවිතක්ෂයට පත්ව ඇතැයි අනුරාධපුර පොලිසිය පවසයි.
මෙලෙස මියගොස් ඇත්තේ අනුරාධපුර පදිංචිව සිටි විශ්‍රාමික ලිපිකාරිනියක වන පියදි ගමගේ කල්‍යාණි පද්මා (72) හැවිරිදි කාන්තාවකි.
නිරාවිය තේක්ක රක්ෂිතයේ සිට පැමිණ ඇති මෙම වන අලියා, තිසා වැව, වෑ කන්ද දිගේ පැමිණ වගා හානි සිදුකර මෙම කාන්තාවට පහරදීමෙන් පසුව තිසාවැව පොදු සුසාන භූමිය දෙසට දිව ගොස් ඇතැයි පොලීසිය පවසයි.
අලියා පහර දීම සිදු කරන අවස්ථාවේදී මෙම කාන්තාව පමණක් නිවසේ සිට ඇති අතර නිවෙස ඉදිරිපස එම කාන්තාව වැටී සිටිනු දැක අසල්වැසි කාන්තාවක පොලිසිය හා වන ජීවී අංශ දැනුවත් කර තිබේ.
