(ක්‍රිෂාන් ජීවක ජයරුක්)
ත්‍රිරෝද රථ අලංකාරකර ගැනීමට අමතර උපාංග සවි කර ගැනීම සඳහා අවසර ලබාදෙන්නැයි ඉල්ලා මාතර දිස්ත්‍රික්කයේ ත්‍රි රෝද රථ රියැදුරෝ පිරිසක් අද (01) සිය ත්‍රිරෝද රථ ද මාතර වෙරල පාරට රැගෙනවිත් උද්ඝෝෂණයක නිරතවූහ.
අමතර උපාංග සවි කර ගෙන ධාවනය වන ත්‍රි රෝද රථවලට පොලීසියෙන් දැඩි බලපෑම් එල්ල වී ඇති බවද එම බලපෑම් වහා නතර කරන්නැයි ද ඔවුහු ඉල්ලා සිටියහ.
විවිධ උපාංග සවි කර අලංකාර කරන ලද ත්‍රි රෝද රථ තුන්සියයකට වැඩි ප්‍රමාණයක් මෙම විරෝධතාවට එක් කර තිබුණි.
