( නාලක සංජීව දහනායක)
ශ්‍රී ලංකා පොදුජන පෙරමුණ විසින් සාධාරණ මැතිවරණයක් සඳහා වූ ජාතික මෙහෙයුම් මධ්‍යස්ථානය නමින් විශේෂ ඒකකයක් ස්ථාපිත කර ඇත.
එම පෙරමුණේ ජාතික සංවිධායක බැසිල් රාජපක්‍ෂ මහතාගේ අදහසක් අනුව ස්ථාපිත කර ඇති මෙම මෙහෙයුම් මධ්‍යස්ථානය නො-43,1/1 බෝධිරාජ මාවත, ජයන්තිපුර, බත්තරමුල්ල යන ස්ථානයේ පිහිටා තිබේ.
ඒ අනුව මැතිවරණ කල්දැමීමට එරෙහිව කටයුතු කරමින් කඩිනමින් මැතිවරණයක් දිනාගැනීමට මැදිහත්වීම මෙම මධ්‍යස්ථානය පිහිටුවීමේ ප‍්‍රමුඛ අරමුණ වී තිබේ. එ වෙනුවෙන් විධිමත් වැඩපිළිවෙලක් ක‍්‍රියාත්මක කරන බවද පොදුජන පෙරමුණේ ප‍්‍රකාශකයකු කීය.
එමෙන්ම වත්මන් රජය යටතේ සිදුකරන දේශපාලන පළිගැනීම් වලට එරෙහිව ක‍්‍රියාත්මක වීම සහ නීතිමය උපදෙස් ලබාදීමටද මෙම මධ්‍යස්ථානය හරහා මැදිහත්වීම් සිදුකරන බවද එම ප‍්‍රකාශකයා වැඩිදුරටත් පැවැසීය.
