රොමේෂ් මධුෂංඛ
මුලතිව් පුදුකුඩඉරිප්පු පොලිස් වසමේ වල්ලිපුණම් ඉඩෙයික්කාඩු රක්ෂිතයේ ඉතා රහසිගතව පවත්වාගෙන ගිය පලු දැව ජාවාරමක් වටලා සැකකරුවෙක් අත්අඩංගුවට ගත් බව පුදුකුඩඉරිප්පු පොලිසිය පවසයි.
පුදුකුඩිඉරිප්පු පොලීසියට ලැබුණු තොරතුරකට අනුව එහි නිලධාරීන් පිරිසක් විසින් රක්ෂිතයේ රැකවල් යොදාගෙන සිටියදී ට්‍රැක්ටරයකින් අදාළ ඉරන ලද පලු දැව 154 ක් පටවාගෙන එමින් සිටියදී වැටලීම සිදු කර ඇත.
වැටලීම සිදුකරන අවස්ථාවේදී ට්‍රැක්ටරයේ රියදුරු පලා ගොස් ඇති අතර පසුව ට්‍රැක්ටරයේ හිමිකාරීත්වය අනුව පලාගිය සැකකරු අත්අඩංගුවට ගැනීමට පුදුකුඩුඉරිප්පු පොලීසිය සමත් වුහ.
ඉඩෙයික්කාඩු රක්ෂිතය තුළදීම පලු ගස් කපා රක්ෂිතය තුළම ඉරා දැව කර ප්‍රවාහනය කිරීමට සැලසුම් කර තිබියදී මෙසේ දැව ජාවාරම අත්අඩංගුවට ගෙන ඇත.
