ක.ග කරුණාරත්න
පොලොන්නරුව, කදුරුවෙල නගරයේ ප්‍රධාන බස්නැවතුම්පොළ ඉදිරිපිට පිහිටි දෙමහල් වෙළඳ සංකීර්ණයක අද (19) උදේ ගින්නක් ඇතිවී ඇතැයි පොලොන්නරුව පොලිසිය කියයි.

එහි බිම්මහලේ පිහිටි වෙළඳසැලක මුලින්ම ගින්න ඇති වී මහල් දෙකෙහිම වෙළඳසැල් 04 කට පමණ එය පැතිරී ගොස් තිබේ.

පොලොන්නරුව මහනගර සභාවේ ගිනිනිවීම් ඒකකය, පොලිසිය සහ මහජනතාව එක්ව ගින්න පැතිරීයාම මැඩපවත්වා පසුව එය මුළුමනින්ම නිවා දමාඇත.

ගින්න ඇතිවීමට හේතුව කුමක්ද යන්න මෙතෙක් අනාවරණයවී නැතැයි විමර්ශණ කටයුතු සිදුකරන පොලිස් නිලධාරීහු පැවසූහ.

බොහෝදුරට විදුලිය කාන්දුවීමක් නිසා එය ඇතිවන්නට ඇතැයි විශ්වාසකෙරේ.

ගින්න හටගැනීම නිසා වෙළඳසැල්වලට සිදුව ඇති අලාභහානිය කොපමණද යන්න මෙතෙක් තක්සේරු කරනැත.
පොලොන්නරුව පොලිසිය මේ පිළිබඳව පරීක්ෂණ පවත්වයි.