(ශාන්ත චන්ද්‍රසිරි)
විදේශීය රටක නිෂ්පාදිත මෙරට අළෙවි කිරීමට තහනම් දුම්වැටි 3000 ක තොගයක් ප්‍රවාහනය කරමින් සිටි පුද්ගලයන් දෙදෙනෙකු අද (08) අත්අඩංගුවට ගත්බව ඩයගම පොලීසිය පවසයි.
ගම්පොල ප්‍රදේශයේ පදිංචි පුද්ගලයන් දෙදෙනෙකු මෙසේ සැකපිට පොලීසිය විසින් අත්අඩංගුවට ගනු ලැබීය.
මෙම සැකකරුවන් දෙදෙනා ගම්පොළ නගරයේ සිට ත්‍රී රෝද රථයකින් ඩයගම ප්‍රදේශයේ වෙළෙඳ සැල්වල රහසිගතව අළෙවි කිරීම සඳහා මෙම සිගරට් තොගය හොර රහසේ ගෙන එමින් සිටියදී පොලීසියට හසුව තිබේ.
උඩරට වතුකර ආශ්‍රිත ප්‍රදේශවල මෙම නීතිවිරෝධි දුම්වැටි ජාවාරම මොවුන් විසින් කලක පටන් සිදුකර ඇති බවට පොලීසිය සිදු කරන ලද මුලික පරීක්ෂණවලදී අනාවරණය වී ඇතැයි පොලීසිය පවසයි.
සැකකරුවන් දෙදෙනා නුවරඑළිය අධිකරණයට ඉදිරිපත් කිරීමට නියමිතය.
