(නිමල කොඩිතුවක්කු)
2018 වසරේ අගෝස්තු මස පැවැති අධ්‍යනය පොදු සහතික පත් උසස් පෙළ විභාගයේ අතිරේක ශාලාධිපති හා ඇතැම් විෂයන්ගේ උත්තර පත් ඇගයීම්වල නිරත වූ ගුරුවරුන්ගේ ගාස්තු මෙතෙක් ගෙවා අවසන් කර නැතැයි ලංකා ගුරු සේවා සංගමය සඳහන් කරයි.
පමා කර ඇති එම සියලූ දීමනා කඩිනමින් ගෙවන ලෙසත් එසේ නොකරන්නේ නම් අදාළ ගුරුවරුන්ගේ අයිතීන් වෙනුවෙන් ඉදිරි ක්‍රියාමාර්ග ගැනීමට පසුබට නොවන බවත් ලංකා ගුරු සේවා සංගමයේ ප්‍රධාන ලේකම් මහින්ද ජයසිංහ මහතා සදහන් කරයි.
2018 වසරේ අගෝස්තු මස පැවැති අධ්‍යයන පොදු සහතික පත‍්‍ර උසස් පෙළ විභාගයේ ප‍්‍රතිඵල මේ වනවිට නිකුත් කර ඇති අතර එය නැවත සමීක්ෂණ සඳහා වන අයදුම්පත් බාර ගැනීම ද පසුගිය 16 වනදායින් අවසන් විය.
එවැනි තත්වයක් තුළ විභාග රාජකාරී හා උත්තර පත‍්‍ර ඇගයීම් ගාස්තු ගෙවීම ප‍්‍රමාද කිරීමෙන් ඉදිරියේදි විභාග දෙපාර්තමේන්තුව විසින් පවත්නා ජාතික ඇගයීම් කි‍්‍රයාවලියට සැලකිය යුතු බලපෑම් ඇතිවිය හැකි බවද ජයසිංහ මහතා පෙන්වා දෙයි.
මේ සම්බන්ධයෙන් අධ්‍යාපන අමාත්‍යවරයා, ලේකම්වරයා සහ විභාග කොමසාරිස්වරයා ඇතුළු සියලූ බලධාරීන් දැනුවත් කර ඇතැයිද මහින්ද ජයසිංහ මහතා වැඩිදුරටත් පැවැසීය.
