( දිනේෂ් උපේන්ද්‍ර)
කුලියාපිටිය කරගහගෙදර පිහිටි ප‍්‍රධාන පෙලේ කොහු කර්මාන්ත ශාලාවක මහා පරිමානයෙන් කොහු පිරවූ එක් කොටසක් අද (27) හදිසියේ ඇතිවූ ගින්නකින් මුලූමනින්ම ගිනිබත් වු තිබූ අතර එම ගොඩනැගිල්ල ඇතුළත තිබූ විශාල ප‍්‍රමාණයේ ලොරි රථයක්ද ගින්නට හසු වී විනාශ වී තිබේ.
තේ විවේකයේදී සේවකයින් සියලූම දෙනා ආපන ශාලාවේ තේ පැන් පානයකරමින් සිටියදී හදිසියේ ඇතිවතිබූ ගින්න කර්මාන්ත ශාලාවේ සවිකොට තිබූ සයිරන් නලා නාද වීමත් සමගින් එම ස්ථානයට සියලූම සේවකයින් පැමිණියත් ඒ වනවිටත් තදබල ලෙස ගින්න පැතිරයාම හේතුවෙන් ගින්න නිවාදැමීමට සේවක එකමුතුවට හැකියාව ලැබී නොමැත.
ගින්න හේතුවෙන් සෙස්වකයින්ට බරපතල හානි වාර්තා නොවූවත් සුලූ තුවාල ලැබූවන් හා අධික රශ්මිය දරාගත නොහැකිව යම් යම් ආසාද්මික තාවයන්ට ගෙදුරුවූවන් කිහිපදෙනෙකු කුලියාපිටිය මූලික රෝහලට ඇතුළත්කර ඇතැයි රෝහල් ආරංචිමාර්ග සදහන් කරයි.
ගින්න ඇතිවී පැයක පමණ කාලයකින් කුරුණෑගල මහ නගරසභාවේ ගිනි නිවන එකකය පැමිණ ගින්න අනෙකුත් ගොඩනැගිළි වලට පැතිරයාම වලක්වන්නට කටයුතු කළ අතර ඊට සුලූ වේලාවකට පසුව හලාවත නගරසභාවේ ගිනි නිවන ඒකකයද කැඳවා තිබිණි.
කර්මාන්තශාලාවේ ඇතිවූ ගින්න හේතුවෙන් සිදුවූ අලාභය මෙතෙක් ගණන් බලා නොමැති බවද එහි උසස් නිළධාරියෙකු පැවසීය.
