(ඩී.කේ.රත්න)
 
බුත්තල, ගෝනගංආර ගලපිටගල ප‍්‍රදේශයේ හෝටලක ෆේස්බුක් සාදයක් පවත්වමින් සිටි තරුණයින් 11දෙනෙකු අද (10) අත්අඩංගුවට ගත් බව ඔක්කම්පිටිය පොලීසිය කියයි.
 
අත්අඩංගුවට ගනු ලබන අවස්ථාවේදී ඔවුන් සතුව තිබී ගංජා සහ කේරළ ගංජා ද අත්අඩංගුවට ගෙන ඇතැයි පොලීසිය පවසයි.
 
මෙසේ අත්අඩංගුවට ගනු ලැබූ පුද්ගලයින් වයස අවුරුදු 28ත් - 33ත් අතර වයසේ පසුවන්නන් බවද පොලීසිය කියයි.
 
අත්අඩංගුවට ගත් පුද්ගලයින් බුත්තල පොලීසියට බාරදී තිබේ.
 
බුත්තල පොලීසියේ නිලධාරීහු මේ පිළිබඳව පරීක්ෂණ පවත්වති.