(තිළිණි ද සිල්වා සහ රංජන් කටුගම්පොළ)
පාස්කු ඉරිදා කිතුණු දේවස්ථාන හා සංචාරක හෝටල්වලට එල්ල වූ ත්රස්ත ප්රහාරය වළක්වා ගැනීමට නොහැකි වීමෙන් හිටපු ආරක්ෂක ලේකම්වරයා සහ පොලිස්පතිවරයාට එරෙහිව ගොනු වී ඇති සියලූම මූලික අයිතිවාසිකම් පෙත්සම් ජාතික වැදගත්කමකින් යුතු කරුණක් සේ සළකා එම පෙත්සම් විභාග කිරිමට සත් පුද්ගල විනිසුරු මඩුල්ලක් නම් කිරීමට අගවිනිසුරු ජයන්ත ජයසූරිය මහතා අද (8) තීරණය කරනු ලැබීය.
ඒ අනුව අගවිනිසුරු ජයන්ත ජයසූරිය මහතාගේ සභාපතිත්වයෙන් යුතුව පත් කර ඇති සෙසු විනිසුරු මඩුල්ලේ සාමාජිකයින් වනුයේ බුවනෙක අළුවිහාරේ , සිසිර ද අබෲ , ප්රියන්ත ජයවර්ධන , ප්රසන්න ජයවර්ධන , එල්.ටී.බී.දෙහිදෙණිය , මුර්දු ප්රනාන්දු යන මහත්ම මහත්මීන්ය.
සියලූ පෙත්සම් සිකුරාදා (12) මෙම සත් පුද්ගල ශ්රේෂ්ඨාධිකරණ විනිසුරු මඩුල්ල හමුවේ කරුණු තහවුරු කිරීමට නියමිතය.
එම ප්රහාරයේ සිය දරු දෙදෙනා අහිමිවූ වැල්ලම්පිටිය ප්රදේශයේ පදිංචි නන්දන සිරිමාන්න , සංචාරක කර්මාන්තයේ නියැළි ව්යාපාරික ජනත් විදානගේ , ශ්රී ලංකා නීතීඥ සංගමය , හෙන්රි මේරියන් අශෝක් ස්ටීවන් , සරත් ඉද්දමල්ගොඩ සහ හේල් එවන්ස්ටන් ප්රනාන්දු ජයවර්ධන යන පියතුමන්ලා , නාගානන්ද කොඩිතුවක්කු , ජූඞ් පෙරේරා , නිමල් කුමාරසිරි ඇතුළු පුරවැසියන් පිරිසක්ද , පූජ්ය අගුළුගල්ලේ ජිනානන්ද හිමි ඇතුළු පිරිසක් ගොනු කළ සියලූ පෙත්සම් මෙදිනට සළකා බැලීමට නියමිතය.
මෙම පෙත්සම් බුවනෙක අළුවිහාරේ , සිසිර ද ආබෲ සහ එල්.ටී.බී දෙහිදෙණිය යන මහත්වරුන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ලක් හමුවේ කැඳවූ අවස්ථාවේ මේම පෙත්සම් සත් පුද්ගල ශ්රේෂ්ඨාධිකරණ විනිසුරු මඩුල්ලක් හමුවේ කැඳවීමට අගවිනිසුරුවරයා තීන්දු කළ බව විනිසුරු බුවනෙක අළුවිහාරේ මහතා නිල වශයෙන් විවෘත මීට පෙර අධිකරණය හමුවේ දැනුම් දුන්නේය.
එහිදී විනිසුරු බුවනෙක අළුවිහාරේ මහතා විවෘත අධිකරණය හමුවේ ප්රකාශ කර සිටියේ මෙම සියලූ පෙත්සම් ජාතික වැදගත්කමකින් යුතු පෙත්සම් සේ සළකමින් ඒවා සත් පුද්ගල විනිසුරු මඩුල්ලක් හමුවේ සළකා බැලීමට අගවිනිසුරුවරයා තීරණය කළ බවය.මෙම පෙත්සම් මීට පෙර අවස්ථාවන්හීදි ශ්රේෂ්ඨාධිකරණය හමුවේ කැඳවූ අවස්ථාවේදී නීතිපතිවරයා සහ පෙත්සම්කාර පාර්ශවයේ නීතීඥවරුන් ඉල්ලා සිටියේ පෙත්සම් සියල්ල පහට හෝ ඊට වැඩි පූර්ණ විනිසුරු මඩුල්ලක් හමුවේ සළකා බලන ලෙසයි. නීතිපතිවරයා ද මීට අදාළව මෝසමක් ද අගවිනිසුරුවරයා වෙත ඉදිරිපත් කර තිබිණි.
බුද්ධි තොරතුරු ලැබී තිබියදී පාස්කු ඉරිදා දින කිතුණු දේවස්ථාන හා සංචාරක හෝටල්වලට එල්ල වූ ත්රස්ත ප්රහාරය වළක්වා ගැනීමට නොහැකි වීම තුළින් හිටපු ආරක්ෂක ලේකම්වරයා සහ පොලිස්පතිවරයා මහජනතාවගේ මූලික අයිතීන් කඩ කර ඇති බවට චෝදනා කරමින් ගොනු කර ඇති මූලික අයිතිවාසිකම් පෙත්සම් හි වගඋත්තරකරුවන් වශයෙන් පොලිස්පති පූජිත ජයසුන්දර, හිටපු ආරක්ෂක ලේකම් හේමසිරි ප්රනාන්දු සහ නියෝජ්ය පොලිස්පති ශ්රී ලාල් දිසානායක සහ නීතිපති නම් කරනු ලැබ සිටිති.
පෙත්සම්කරුවන් වෙනුවෙන් නීතීඥ ගාමිණී පෙරේරා, ජනාධිපති නීතීඥ සංජීව ජයවර්ධන,ජනාධිපති නීතීඥ ක්රිෂ්මාල් වර්ණසූරිය මහත්වරුන් පෙනී සිටියහ.
නීතිපති වෙනුවෙන් අතිරේක සොලිසිටර් ජනරාල් ජනාධිපති නීතීඥ ෆර්සානා ජමීල් මහත්මිය පෙනී සිටියාය. වගඋත්තරකාර හිටපු ආරක්ෂක ලේකම්වරයා සහ පොලිස්පති පූජිත් ජයසුන්දර වෙනුවෙන් ජනාධිපති නීතීඥ අනුජ ප්රේමරත්න සහ නීතීඥ විරාන් කොරයා යන මහත්වරු පෙනී සිටියහ.
