(අංජුල මහික වීරරත්න)
සුරා බදු බලපත්‍ර ගාස්තු වලට අදාළ වන රිතී පාර්ලිමේන්තුවේ අනුමැතිය සඳහා ඉදිරිපත් කිරීමට කැබිනට් අනුමැතිය ලැබී ඇත.
සුරා බදු බලපත්‍ර නිකුත් කිරීමට අදාළ මාර්ගෝපදේශ සහ කොන්දේසි සංශෝධනය කිරීම සඳහා වන 2025 අයවැය යෝජනාවක් අනුව, වාර්ෂික සුරා බදු බලපත්‍ර ගාස්තුව, ආරක්ෂිත ඇප තැන්පතු මුදල සහ කර්මාන්ත ප්‍රවේශය සඳහා එක් වරක් අය කරනු ලබන ගාස්තුව ඇතුළු සුරාබදු ආඥාපනත යටතේ වන සුරා බදු බලපත්‍ර ගාස්තු වලට අදාළ නඩු රීති සකස් කර ඇත.
ඒ අනුව, (52 වන අධිකාරය වූ) සුරාබදු ආඥා පනත 25 වන වගන්තිය සමඟ කියැවිය යුතු 32 වන වගන්තිය යටතේ සාදන ලද සුරා බදු බලපත්‍ර ගාස්තු සම්බන්ධයෙන් පනවා ඇති රීති අනුමැතිය සඳහා පාර්ලිමේන්තුව වෙත ඉදිරිපත් කිරීම පිණිස මුදල්, ක්‍රම සම්පාදන සහ ආර්ථික සංවර්ධන අමාත්‍ය වශයෙන් ජනාධිපතිවරයා ඉදිරිපත් කළ යෝජනාව සඳහා අමාත්‍ය මණ්ඩලයේ අනුමැතිය ලබා දෙන ලදී.
