(අංජුල මහික වීරරත්න)
විපක්ෂ නායක සජිත් ප්‍රේමදාස මහතා හිටපු ජනාධිපති රනිල් වික්‍රමසිංහ මහතාගේ නඩුව විභාගයට ගැනෙන කොටුව මහේස්ත්‍රාත් අධිකරණ සංකීර්ණයට දැන් පැමිණියේය.
සමගි ජන බලවේගය නියෝජනය කරන මන්ත්‍රීවරු රැසක් ද විපක්ෂ නායකවරයා සමඟ අධිකරණ භූමියට පැමිණියහ.
පොදු ජන පෙරමුණ නියෝජනය කරන මන්ත්‍රීවරුන්ද අධිකරණ භූමියට පැමිණ සිටින අයුරු දැක ගත හැකිය. අධිකරණ භූමියට ඔබ්බෙන් මහා පිරිසක් රැස්වී උද්ඝෝෂණය කරමින් සිටිති.
" අනුර එපා කිව්වට අපි ආවා කොළඹට"ආදී සටන් පාඨ කියමින් ඔවුහු උද්ඝෝෂණය කරති.
(ඡායා ළහිරු හර්ෂණ)
