(ඩයනා උදයංගනී)
වැසි තත්වයේ අඩුවීමක් පවතින නමුත් බස්නාහිර, සබරගමුව, මධ්යම, වයඹ පළාත්වලත්, ගාල්ල සහ මාතර දිස්ත්රික්කවලත් අද (28) දිනයේත් විටින් විට වැසි ඇතිවන බව කාලගුණ විද්යා දෙපාර්තමේන්තුව පවසයි.
සබරගමුව පළාතේත්, මහනුවර සහ නුවරඑළිය දිස්ත්රික්කවලත් ඇතැම් ස්ථානවලට මිලිමීටර 50ක පමණ තරමක තද වැසි ඇතිවිය හැකි බව එම දෙපාර්තමේන්තුවේ ප්රකාශකයෙක් පැවසීය.
ඌව පළාතේත්, අම්පාර සහ මඩකලපුව දිස්ත්රික්කවලත් ස්ථාන කිහිපයක සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇතිවිය හැකි බව ද එම ප්රකාශකයා සඳහන් කරයි.
දිවයින හරහා පැයට කිලෝමීටර 30, 40 පමණ වේගවත් සුළං හැමිය හැකි අතර මධ්යම කඳුකරයේ බටහිර බෑවුම් ප්රදේශවලත්, උතුරු, උතුරුමැද, සහ වයඹ පළාත්වලත් ත්රිකුණාමලය සහ හම්බන්තොට දිස්ත්රික්කවලත් සුළඟේ වේගය පැයට කිලෝමීටර 50 පමණ දක්වා වැඩිවිය හැකි බව ද ඔහු පවසයි.
දිවයින වටා මුහුදු ප්රදේශ ද විටින් විට රළු විය හැකි අතර පුත්තලම සිට කොළඹ, ගාල්ල සහ හම්බන්තොට හරහා පොතුවිල් දක්වා මුහුදු ප්රදේශවල ධීවර හා නාවුක කටයුතුවල නිරතවන පිරිස් අවදානයෙන් කටයුතු කළ යුතු බව ද කාලගුණ විද්යා දෙපාර්තමේන්තුව පවසයි.
