(අංජුල මහික වීරරත්න)
වර්තමානය දෙස නොව අනාගතය පිළිබඳ අවධානය යොමු කරමින් එකම ශ්රී ලාංකික ජාතියක් ලෙස සියලුදෙනා එකට එක්ව ඉදිරියට යා යුතු බව ජනාධිපති රනිල් වික්රමසිංහ මහතා පැවසීය.
සියලු පුරවැසියන් දායක කර ගනිමින් සමාජ, සංස්කෘතික, ආගමික සහ අධ්යාපනික වශයෙන් රට තුළ ශක්තිමත් පදනමක් ඇති කිරීමට පුරෝගාමී මෙහෙවරක් ඉටු කළ දිවංගත ඩී.බී. ජයතිලක මහතා ගෙන ගිය අන්දමේ වැඩපිළිවෙළක් නැවත රටට අවශ්ය බව ජනාධිපති රනිල් වික්රමසිංහ මහතා කීය.
ජනාධිපති රනිල් වික්රමසිංහ මහතා මේ බව කීවෙි කොළඹ බණ්ඩාරනායක ජාත්යන්තර සම්මන්ත්රණ ශාලාවේ පැවති කොළඹ තරුණ බෞද්ධ සංගමයේ 125 වැනි සංවත්සර උත්සවය අමතමිනි.
හිටපු ජනාධිපතිවරුන් වන මහින්ද රාජපක්ෂ, චන්ද්රිකා බණ්ඩාරනායක කුමාරතුංග, හිටපු කතානායක කරූ ජයසූරිය, රාජ්ය අමාත්ය චාමර සම්පත් දසනායක, පාර්ලිමේන්තු මන්ත්රීවරුන් වන රාජිත සේනාරත්න, තිස්ස අත්තනායක මහත්ම මහත්මීහු ද මෙම අවස්ථාවට සහභාගී වූහ.
