(ඩයනා උදයංගනී)
කොළඹ ගුවන් ගමන් තොරතුරු කලාපයට ඉහළින් පියාසර කරන ජාත්යන්තර ගුවන් ගමන් සඳහා අය කරන ගුවන් ගමන් සංතරණ ගාස්තු සංශෝධනය කිරීමට අමාත්ය මණ්ඩල අනුමැතිය හිමිවී ඇත.
මෙම ගාස්තු පෙබරවාරි මස 1 වැනිදා සිට ක්රියාත්මක වන පරිදි සංශෝධනය කරන බව කැබිනට් ප්රකාශක, ප්රවාහන, මහාමාර්ග සහ ජනමාධ්ය අමාත්ය, ආචාර්ය බන්දුල ගුණවර්ධන මහතා පැවසීය.
බන්දුල ගුණවර්ධන මහතා මේ බව පැවසුවේ රජයේ ප්රවෘත්ති දෙපාර්තමේන්තුවේදී අද (24) පැවති කැබිනට් තීරණ දැනුම්දීමේ මාධ්ය හමුව අමතමිනි.
මෙම ගාස්තු අයකිරීම සීමාසහිත ගුවන්තොටුපොළ සහ ගුවන් සේවා පෞද්ගලික සමාගම විසින් සිදුකරන අතර, 1985 වර්ෂයෙන් පසු මෙම ගාස්තු සංශෝධනය කර නැතැයි ද ඇමතිවරයා සඳහන් කළේය.
ගත වූ වසර 37 ක කාලසීමාව තුළ ඉන්ධන පිරිවැය, ගුවන් ගමන් පාලන වියදම්, ගුවන් තොටුපල මෙයෙහුම් කටයුතු ඉහළ ගොස් ඇති නිසා ඊට අනුරූපිකව ආදායම් වර්ධනය කරගැනීම සෑම රටක්ම සිදුකර ඇමැති බන්දුල ගුණවර්ධන මහතා පැවසීය.
ඒ අනුව ජාත්යන්තර ගුවන් ගමන් පිළිබඳවත් පුළුල් අධ්යයනයක් කර මෙම පියවර ගෙන ඇතැයි ද ඇමතිවරයා සඳහන් කළේය.
