(නිමල කොඩිතුවක්කු)
ආණ්ඩුවේ හිතුවක්කාර ගමන අවසන් කරන විප්ලවීය වෙනස මෙවර පළාත් පාලන මැතිවරණයෙන් ආරම්භ කරන බව සමගි ජන බලවේගයේ ජාතික සංවිධායක පාර්ලිමේන්තු මන්ත්රී තිස්ස අත්තනායක මහතා කොළඹදී පැවසීය.
ජනමතයට මුහුණ දීමට නොහැකි ආණ්ඩුව තවදුරටත් මැතිවරණය මගහැරීමට විවිධ උපක්රම යොදමින් සිටින බවත් අත්තනායක මහතා සඳහන් කළේය.
හැකිනම් ජනමතයට මුහුණ දෙන්නයි ආණ්ඩුවට අභියෝග කරන බවත් කොළඹ මාක්ස් ප්රනාන්දු මාවතේ විපක්ෂනායක කාර්යාලයේ පැවති මාධ්ය හමුවකදී ඔහු පැවසීය.
මෙවර පළාත් පාලන ආයතන තුන්සිය තිස් හයක් සඳහා සමගි ජනබලවේගය තරග කරන බවත් එම සියලු ආයතන වල බලය තහවුරු කර ගැනීමට අවශ්ය මැතිවරණ ව්යාපාරය මෙහෙවන බවත් ඔහු සඳහන් කළේය.
