(අංජුල මහික වීරරත්න)
සන්නද්ධ හමුදා අනුස්මරණ හා පොපි මල් දින සැමරුම් උත්සවය අග්රාමාත්ය ආචාර්ය හරිනි අමරසූරිය මෙනවියගේ ප්රධානත්වයෙන් කොළඹ විහාර මහා දේවි උද්යානයේ පිහිටි හමුදා සාමාජිකයින් සිහිකිරීමේ ස්මාරකය අභියස දී පැවැත්විණි.
මෙම ස්මාරකය ශ්රී ලංකාවේ පැරණිතම සහ ප්රධානතම යුද ස්මාරකවලින් එකක් වන අතර, වාර්ෂිකව Remembrance Day (නොවැම්බර් 11 ට ආසන්නතම ඉරිදා) දින මෙහිදී ජාතික සැමරුම් උත්සවයක් පවත්වනු ලැබේ.
මෙහිදී අග්රාමාත්යවරිය ස්මාරකය වෙත පොපි මල් කළඹ තැන්පත් කර දිවි පිදූ හමුදා සාමාජිකයින් සිහි කරමින් පුෂ්පෝපහාර දැක්වීය.
මාතෘභූමියේ ආරක්ෂාව වෙනුවෙන් පළමු ලෝක යුද්ධ සමයේ සිට මේ දක්වා දිවි පිදූ සන්නද්ධ හමුදා සාමාජිකයින් අනුස්මරණය කිරීම සහ ඔවුන්ගේ උදාර කැපවීමට ගෞරව දැක්වීම මෙම වාර්ෂික සැමරුමේ ප්රධාන අරමුණ විය.
මෙම අවස්ථාවට ආරක්ෂක නියෝජ්ය අමාත්ය මේජර් ජෙනරල් (විශ්රාමික) අරුණ ජයසේකර, ආරක්ෂක අමාත්යාංශයේ ලේකම් එයා වයිෂ් මාෂල් (විශ්රාමික) සම්පත් තුයියකොන්තා, ත්රිවිධ හමුදාපතිවරු, විශ්රාමික ත්රිවිධ හමුදාපතිවරු, විදේශීය තානාපතිවරු සහභාගී වූහ.
