(ඩයනා උදයංගනී)
ගිනිකොණ දිග බෙංගාල බොක්ක සහ අරාබි මුහුද ප්රදේශය ආශ්රිතව පහළ වායුගෝලයේ පවතින කැළඹිලි තත්ත්වයක් හේතුවෙන් එම මුහුදු ප්රදේශ අද (29) දිනයේදී ක්ෂණිකව රළු විය හැකි බව කාලගුණ විද්යා දෙපාර්තමේන්තුව පවසයි.
විශේෂයෙන් පුත්තලම සිට මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා මුහුදු ප්රදේශ විටින් විට තරමක් රළු විය හැකි අතර ධීවර හා නාවුක කටයුතුවලදී විමසිලිමත් විය යුතු බව ද එම දෙපාර්තමේන්තුව කියයි.
බස්නාහිර, සබරගමුව, වයඹ, දකුණු සහ මධ්යම පළාත්වල සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇතිවන අතර ඇතැම් ස්ථානයන්හි මිලිමීටර 50 ට වැඩි තරමක තද වැසි ඇතිවිය හැකි බව එම දෙපාර්තමේන්තුව සඳහන් කරයි.
ගිගුරුම් සහිත වැසි ඇතිවන අවස්ථාවලදී අකුණු අනතුරු සහ තාවකාලික තද සුළං ද ඇතිවිය හැකි බව කාලගුණ විද්යා දෙපාර්තමේන්තුව පවසයි.
