(නිමන්ති රණසිංහ)
ඩුබායි රාජ්යයෙන් පිටුවහල් කිරිමෙන් පසු පාස්කු ප්රහාරය සම්බන්ධයෙන් දැනට රැඳවුම් නියෝග මත රඳවා තබාගෙන සිටින සැකකරුවන් පස් දෙනෙකු අධිකරණ නිරීක්ෂණය සඳහා අපරාධ පරීක්ෂණ දෙපාර්තමේන්තුව මගින් කොළඹ ප්රධාන මහේස්ත්රාත් ලංකා ජයරත්න මෙනෙවිය හමුවට අද (30) ඉදිරිපත් කළහ.
ඉකුත් 14 වැනිදා ඩුබායි රාජ්ය මගින් මෙරටට පිටුවහල් කරනු ලැබූ පසු කටුනායක බණ්ඩාරනායක ගුවන් තොටුපල අපරාධ පරීක්ෂණ දෙපාර්තමේන්තු අංශයේ නිලධාරින් විසින් අත්අඩංගුවට ගත් මෙම සැකකරුවන් පස් දෙනා මේ වන විට රැඳවුම් නියෝග මත තම දෙපාර්තමේන්තුව තුළ රඳවා තබාගෙන ප්රශ්න කිරීම් සිදුකරනු ලබන බවද අපරාධ පරික්ෂණ දෙපාර්තමේන්තුව අධිකරණයට කරුණු ඉදිරිපත් කළේය.
