(සුජිත් හේවාජුලිගේ )

ජල බිල්පත් ගෙවීම සඳහා මාසයක සහන කාලයක් ලබා දීමට  බලාපොරොත්තු වන බව  ජලසම්පාදන අමාත්‍ය වාසුදේව නානායක්කාර මහතා පවසයි.

සංචරණ සීමා පැනවීම නිසා  පාරිභෝගිකයන්ට ජල බිල්පත් ගෙවීමට  අපහසුතා පැන  නැගී ඇති හෙයින්  ඒ තත්වය සැලකිල්ලට ගෙන   මෙම සහනය ලබාදෙන බවද ඇමැතිවරයා කීය.

"සංචරණ සීමා ඉවර වුණාම  සුදුසු කාලයක් දෙනවා.මාසයක් වගේ. ජල බිල්පත් කියවීමටත් අපහසුතා ඇති වී තිබෙනවා " යැයි  නානායක්කාර මහතා   වැඩිදුරටත් පැවසීය ..

කොරෝනා රෝගීන් ගේ ආශ්‍රිතයන්වී නිරෝධායනය වන පවුල් සඳහාද  ජල බිල්පත වෙනුවෙන් සහනයක් ලබා දීමට ඇමතිවරයා මෙයට පෙර තීරණය කළේය.