( ඔගස්ටින් ප්‍රනාන්දු)
කොළඹ සිට වවුනියාව බලා ධාවනය වු ලංගම බසයකට අද ( 4 ) අලුයම එල්ල වු බෝතල් ප්‍රහාරය පිළිබඳ පරීක්ෂණ අරඹා ඇතැයි ආරච්චිකට්ටුව පොලීසිය පවසයි.
මෙම බසය කොළඹ සිට සිය ගමන් වාරය අරඹා තිබිය දී බත්තුඔය හේන්කට්ටිය ප්‍රදේශයේ දී යතුරු පැදියෙන් ආ නාදුනන දෙදෙනෙකු හිස් බෝතලයකින් ඉදිරි දකුණු පස රාමුවට ප්‍රහාරයක් එල්ල කර පලා ගිය බවත් කියයි .
එම පහරින් ඉදිරි රාමුව මුළුමනින්ම බිදී ගොස් ඇතැයිද පොලීසිය පවසයි.
පහර එල්ල කළ අය පිළිබදව කිසිදු තොරතුරක් හෙළි වි නැති අතර සිද්ධිය සම්බන්ධයෙන් වැඩිදුර පරික්ෂණ සිදුකෙරේ.
