(බී.ජානක)

කැසිනෝ බලපත්‍ර නොමැතිව නීති විරෝධී ලෙස කැසිනෝ ක්‍රීඩාවේ යෙදී සිටි චීන ජාතික කාන්තාවක ඇතුළු චීන ජාතිකයන් තිදෙනකු සමග කැසිනෝ ක්‍රීඩාවෙන් උපයා ගන්නා ලද බව කියනය රුපියල් දාහසය ලක්ෂ පනස් එක්දහසක මුදලක්  අත් අඩංගුවට ගැනීමට හැකි වූ බව කොල්ලුපිටිය පොලිසිය පවසයි.

කොල්ලුපිටිය ශාන්ත අන්තෝනි මාවතේ පිහිටි මහල් නිවාස සංකීර්ණයක් තුළ  නිති විරෝධීව පවත්වාගෙන ගිය සුදු පොලේ තිබී කැසිනෝ ක්‍රීඩාව සඳහා යොදා ගන්නා ඉලෙක්ට්‍රොනික මේසයක් ඇතුළු කැසිනෝ ක්‍රීඩාව සඳහා යොදා ගන්නා කැට 240 ක් සොයා ගැනීමට හැකි වූ බව කොල්ලුපිටිය පොලිසිය කියයි.

අත්අඩංගුවට ගත් චීන ජාතික කාන්තාව 31 හැවිරිදි බවත් අනෙක් චීන ජාතිකයින් දෙදෙනා 47 සහ 43 හැවිරිදි බව පොලීසිය පවසයි.