(අංජුල මහික වීරරත්න)
අග්‍රාමාත්‍ය ආචාර්ය හරිනි අමරසූරිය මෙනවිය සහ ශ්‍රී ලංකාවේ කොරියා තානාපති Lee Miyon මහත්මිය අතර හමුවක් පාර්ලිමේන්තු පරිශ්‍රයේදී පැවැත්විණි.
අධ්‍යාපන ප්‍රතිසංස්කරණ ඉදිරියට ගෙන යාම සහ ශ්‍රී ලංකාවේ අධ්‍යාපන ක්ෂේත්‍රය ඩිජිටල්කරණය කිරීම කෙරෙහි විශේෂයෙන් අවධානය යොමු කරමින් ද්විපාර්ශ්වික සහයෝගීතාව ශක්තිමත් කිරීම කෙරෙහි මෙම සාකච්ඡාවේදී අවධානය යොමු විය.
කුලියාපිටිය නව තාක්ෂණවේදී ජාතික අධ්‍යාපන විද්‍යා පීඨය වෘත්තීය පුහුණුව සඳහා ආදර්ශ ආයතනයක් ලෙස සංවර්ධනය කිරීම, වෘත්තීය විෂයයන් ජාතික පාසල් විෂය මාලාවට ඒකාබද්ධ කිරීම සහ මෙම විෂය ධාරාව උගන්වනු ලබන ගුරුවරුන් හට විශේෂිත ගුරු පුහුණුවක් ලබා දීම යන කරුණු කෙරෙහි මෙම සාකච්ඡාවේදී යෝජනා විය.
සංවර්ධන කටයුතු සඳහා කොරියා ජනරජයේ අඛණ්ඩ සහාය ශ්‍රී ලංකාවට ලබා දෙන බව මෙහිදී තානාපති Lee Miyon මහත්මිය පැවසූ අතර සිසුන් බහුතරයකට ප්‍රතිලාභ සැලසෙන පරිදි අධ්‍යාපන ක්ෂේත්‍රයේ සහයෝගීතාව පුළුල් කිරීම සඳහා ද කොරියා ජනරජයේ උනන්දුව තානාපතිනිය පැහැදිලි කළා ය.
