(අයි.ආර්. ඉන්දික සහ ප්‍රසාද් රුක්මාල්)
වැල්ලවාය රාවණා ඇල්ලට නුදුරින් ඊයේ රාත්‍රියේ සිදු වූ බස් රථ අනතුරින් 15 දෙනකු මිය ගිය බව පොලිසිය කියයි.
13 දෙනකු පමණ තුවාල ලබා ඇතැයි පොලිය අනුමාන තරයි.අනතුර පත්වූ බස් රථය අඩි 700 පමණ ප්‍රපාතයට පෙරලී ඇති අතර බස් රථයට දැඩි හනි දිදුව ඇයි ද පොලිසිය කියයි.
(අයි.ආර්.ඉන්දික,පාලිත ආරියවංශ සහ ප්‍රසාද් රුක්මල්)
වැල්ලවාය මාර්ගයේ රාවණා ඇල්ලට නුදුරු මවුන්ට් 7 හෝටලය අසල දී ප්‍රපාතයකට පෙරළුණු බසයේ සිටින තුවාල කරුවන් රාත්‍රී 1.00 වන විටත් ගොඩට ගනිමින් සිටින බව අප වාර්තාකරුවෝ පවසති. මිය ගියන ගණන 10 දක්වා ඉහළ ගොස් ඇති බවද දැන ගන්නට ඇත. 18 දෙනකු තුවාල ලබා ඇතැයි ද පොලිසිය කියයි.
අදික අදුර නිසාත් ප්‍රපාතය ඉතා ගැඹුරු නිසාත් රෝගීන් ගොඩට ගැනීමට දැඩි පරිශ්‍රමයක් දැරිමට සිදුව ඇතැයි ද පොලිසිය සඳහන් කරයි. පොලිසියේ, යුද හමුදාවේ මෙන්ම ගුවන් හමුදාවේ ද සහායෙන් තවමත් තුවාල ලැබූවන් ගොඩට ගනිමන් සිටින බව ද පොලිසිය පවසයි. තුවාලකරුවන් බදුල්ල රොහලට ඇතුළත් කර ඇත.
තංගල්ල නගර සභාවේ කාර්ය මණ්ඩලයේ පිරිසක් විනෝද චාරිකාවක් යමින් සිටියදී මෙම අනතුරට මුහුණ පා ඇත. මෙම විනෝද චාරිකාවට 20ක අධික පිරිසක් එක්ව සිටි බවට ආරංචි මාර්ග කියයි. ඒ අතර කුඩා දරුවෝ ද වෙති. මෙම චාරිකාව සඳහා 36 දෙනකු පමණ එක්වී ඇතැයි කියති.
අනතුරට පත් වුවන් චාරිකාව අතර තුර ගත් ඡායාරූප කීපයක් අප වෙත ලැබී ඇත.
(අයි.ආර් ඉන්දික, ප්‍රසාද් රුක්මල්, පාලිත ආරියවංශ කේෂර ගුණතිලක, සහ ප්‍රසන්න පද්මසිරි)
තංගල්ල නගර සභාවේ සේවකයන් රැගෙන වන්දනා චාරිකාවක් ගිය බස්රියක් ඇල්ල වැල්ලවාය මාර්ගයේ රාවණා ඇල්ලට නුදුරු මවුන්ට් 7 හෝටලය අසල දී අද (4)රාත්‍රී 9.20ට පමණ අඩි 1000ක් පමණ ප්‍රපාතයකට පෙරලීමෙන් බසයේ සිටි සිව්දෙනෙක් මියගොස් විශාල පිරිසක් තුවාල ලබා ඇතැයි ඇල්ල පොලිසිය පවසයි.
බස් රථය පාරේ ආරක්ෂිත කම්බිවැටද කඩාගෙන ඉවතට පෙරළී ගොස් තිබේ.
බස් රථ අනතුර සැලවීමත් සමඟ යුද හමුදාව, ගිනි නිවීමේ හමුදා භටයන් ඇතුළු සහන කණ්ඩායම් කඩිනමින් එහි කැඳවා තිබිණි.
බසය ප්‍රපාතයට පෙරළෙන අවස්ථාවේ පිටතට විසිවුණු නවදෙනෙකු පමණ ප්‍රපාතයේ සිට මාර්ගයට රැගෙනවිත් ගිලන් රථ මගින් බදුල්ල ශික්ෂණ රෝහලට යවා ඇතැයි පොලිසිය පවසයි.
මේ වනවිට සොයාගත් තුවාලකරුවන් අතර කාන්තාවන් දෙදෙනෙක් සහ දරුවන් දෙදෙනෙක් ද සිටිති.
අනතුර සිදුවූ ස්ථානයේ දැඩි අදුරක් පැවති හෙයින් තුවාලකරුවන් සොයාගැනීමේ මෙහෙයුම් සඳහා දැඩි බාධා මතුව තිබේ.
ඇල්ල වැල්ලවාය මාර්ගයේ අද(04) රාත්‍රියේ බස් රථයක් ප්‍රපාතයට පෙරලී ඇතැයි පොලිසිය පවසයි.
අනතුරට පත් බස්රථයේ ගමන් ගෙන ඇත්තේ තංගල්ල නගරසභාවේ සේවයේ නියුතු සේවක පිරිසක බව තහවුරු නොකළ ආරංචි මාර්ග පවසයි.
අනතුර සිදු වූ ස්ථානයේ පවතින දැඩි අඳුරු බව නිසා එම ස්ථානයට ලඟාවීම අපහසු බවද තුවාලකරුවන් කිහිපදෙනෙකු මේ වන විට එම ස්ථානයේ ඉවත් කරගෙන ඇති බව පොලිසිය පවසයි.
