මෛත්රිපාල සිරිසේන මහතා ජනපති නොවුණා නම් ශ්රී ලංකාව ජාත්යන්තරයේ අසරණ වන බව පළාත් පාලන අමාත්ය ෆයිසර් මුස්තෆා මහතා අද ශ්රීලනිප පක්ෂ මූලස්ථානයේ පැවැති මාධ්ය හමුවකදී පැවසීය.
‘අපි දිගින් දිගටම දැක්කා ජිනීවාවල අපට විරුද්ධව සිදුවන ක්රියාකාරකම්. ජාත්යන්තර යෝජනා සම්මත වුණේ යුද්ධය ගැන විතරක් නෙමෙයි. අලුත් අලුත් දේවල් ඇතුළත් කළා. මේ යෝජනා සම්මතය මීට වඩා බැරෑරුම් වෙනවා මෛත්රිපාල සිරිසේන මහතා ජනපති වුණේ නැත්නම්. ඒක අපි පිළිගත යුතුයි. අද ජාතිවාදය ජනතාව ප්රතික්ෂේප කරනවා. යුද්දෙන් පසු අපි සියලු දෙනා බලාපොරොත්තුවුණා ලාංකික චින්තනයක් ගැන. ඒත් ඒක වුණේ නෑ ජාතිවාදී චින්තනයක් ඇතිවුණේ. කවුද හිතුවේ විපක්ෂ නායකවරයා ලෙස ටීඑන්ඒ නායකයා පත් වෙයි කියලා‘ යැයිද ඇමැතිවරයා කීවේය.
එම අවස්ථාවට රාජ්ය ඇමැති ඩිලාන් පෙරේරා මහතාද සහභාගී වෙමින් කියා සිටියේ රට තුළ තවත් ප්රභාකරන් කෙනකු බිහිවීම වැළැක්වීමට විසඳුම් ලබාදෙන්නේ ශ්රීලනිප නායකයන්ම බවයි. ශ්රීලනිපයට ජාතිවාදී මඩගොහොරුවේ ලැගීමට කිසිවිටක ඉඩ නොතබන බවද ඔහු කීවේය.
වීඩියෝ - අතුල දේවප්රිය
වීඩියෝ - රොමේෂ් ධනුෂ්ක සිල්වා
