මේ රටේ දූෂණය, බොරුව, වංචාව නැති කර සාමකාමී පරිසරයක් තුළ ජාතික ආරක්ෂාව තහවුරු කරන බව හිටපු ජනපති මහින්ද රාජපක්ෂ මහතා කුරුණෑගල බෞද්ධාලෝක පිරිවෙනේ පැවති ආගමික උත්සවයකට සඳුදා එක්වෙමින් පැවසීය.
‘අද මම මෙතැනට ඇවිත් ඉන්නේ මේ දිස්ත්රික්කයේ අනෙකුත් පාර්ලිමේන්තු අපේක්ෂකයන් 17 නො සමග අනාගතයේ තමුන්නාන්සේලා වෙනුවෙන් කළ යුතු සේවය නොපිරිහෙලා ඉටුකරන්න. ඒ පොරොන්දුව ඔබට දෙන්න. අපේ සේවය බිඳුවක් හෝ අඩු නැතිව ලබාදෙනවා. අපි හැමෝම රට පෙරමුණේ තියලා වැඩ කරනවා‘ යැයි රාජපක්ෂ මහතා කීවේය.
එම අවස්ථාවට අනුර ප්රියදර්ශන යාපා, සාලින්ද දිසානායක, ජොන්ස්ටන් ප්රනාන්දු, ඉන්දික බණ්ඩාරනායක, ශාන්ත බණ්ඩාර, දර්ශනී වික්රමසිංහ ඇතුළු මහත්ම මහත්මීන් පිරිසක්ද එක්ව සිටියහ.
