‘ගොවියා, රජයේ සේවකයා, කර්මාන්තකරුවා, ව්යාපාරිකයා අතරමං කළා. මහ මගට ඇද දැම්මා. දින 100කදී එතනෝල් බලපත්ර 27ක් නිකුත් කළා. රුපියල් කෝටි 5400ක මහ බැංකු බැඳුම්කර මහා මංකොල්ලයක් සිදු කළෙත් දින 100දිමයි. පසුගිය දින 100 දී එජාප අතීතය මට යළි සිහිකර දුන්නා‘ යැයි හිටපු ජනපති මහින්ද රාජපක්ෂ මහතා මැදමුලනේදී ජනතාව අමතමින් පැවසීය.
‘අපේ කාලයේදී නීතියේ ආධිපත්ය රැකුණා. පළිගැනීම නැවතුණා. අපි ව්යවස්ථාවෙන් පිට ගියේ නෑ කිසි දිනෙක. අපි කළ සංවර්ධන වැඩට දින 100 රජය උප්පැන්න දුන්නා‘
ආණ්ඩුව භාරදී හිස් අතින් ගමට ආ මට මොන චෝදනා නැගුවත් මම රටට ආදරෙයි. දිනේෂ්, වාසුදේව, ගම්මන්පිල ආදි සියලු දෙනා එකතු කරගෙන නුගේගොඩින් ආරම්භ කළ ගමන ඒ ජන පවුර මහනුවර, ඇතුගල්පුර, රුවන්පුර, මාතර හරහා හමාගෙන ආ ඒ සුළඟ මහා බලවේගයක් වෙලා ගේ දොරකඩට අද අැවිත් තියෙනවා.
