රට යටපත් කරගෙන පැවති අශිෂ්ට, පවුල්වාදී පාලන ක්රමය වෙනස් කොට යහපත් සමාජයක් ගොඩනැංවීමට ජනවාරි 8 වැනිදා ජනතාව ගත් ප්රබල තීන්දුව අනුව අපේක්ෂා කළ වෙනසට දැනටමත් මුල පුරා ඇති බවට හොඳම පිළිබිඹුව මහ මැතිවරණය බව එක්සත් ජාතික පක්ෂ නායක අගමැති රනිල් වික්රමසිංහ මහතා නිවේදනයක් නිකුත් කරමින් පවසයි.
මැතිවරණ කොමසාරිස් ඇතුළු සියලුම නිලධාරීන්ට කිසිදු දේශපාලන බලපෑමකින් තොරව නිදහස් හා සාධාරණව කටයුතු කිරීමට අවශ්ය පසුබිම තම රජය විසින් සකසා දුන් බවත් මෑත ඉතිහාසයේ පැවැත්වුණු ඉතාම ශිෂ්ට සම්පන්න, නීතිගරුක, සාධාරණ, සාමකාමී මැතිවරණය ලෙස මෙම මැතිවරණය ඉතිහාසගතවනු ඇති බවත් එහි සඳහන්ය.
මැතිවරණ ප්රතිඵල නිකුත්වීමෙන් පසු ජයග්රහණය සන්සුන්ව සමරන ලෙසද එජාප සාමාජිකයන්ගෙන් මෙන්ම සමස්ත ශ්රී ලාංකික ජනතාවගෙන් ඉල්ලා සිටින බවද අගමැති තම නිවේදනයෙන් පවසයි.
