(අංජුල මහික වීරරත්න)
ඉදිරි දින තුන සඳහා ඇඳිරිනීතිය නොපනවා සංචරණ සීමා පැනවීම නීතියට යටත් වන ක්රියාමාර්ගයක් නොවේ යයි එක්සත් ජාතික පක්ෂ සභාපති වජිර අබේවර්ධන මහතා පැවසීය .
නීතියට පිටින් පනවා තිබෙන සංචරණ සීමා අභියෝගයට ලක් කර මූලික අයිතිවාසිකම් පෙත්සමක් ගොනු කිරීමට කිසියම් පුරවැසියෙකු ක්රියා කළහොත් රජය පැනවූ සියලු සංචරණ නීති හකුලා ගැනීමට සිදුවෙතියි ද වජිර අබේවර්ධන මහතා සඳහන් කළේය .
ජනතාවගේ ගමන් බිමන් සීමා කිරීමට හැකියාව ඇත්තේ 1947 දී සම්මත කළ මහජන ආරක්ෂක ආඥාපනත යටතේ පනවන ඇඳිරි නීතියෙන් පමණකියි ද වජිර අබේවර්ධන මහතා තවදුරටත් කියා සිටියේය .
සෞඛ්ය සේවා අධ්යක්ෂ ජනරාල් ජනරාල්වරයා වර්තමානයෙ සංචරණ සීමා පනවා තිබෙන්නේ 1932 වසරේදී එංගලන්තය සම්මත කළ රාජධානිය ආරක්ෂා කර ගැනීමේ පනතේ විධිවිධාන යටත් විජිත වලට ද එලෙසින්ම බලපැවැත්වෙතියි එකළ පැවති නියමය යටතේ වුවත් දැන් ශ්රී ලංකාව ස්වාධීන රාජ්යයක් වන හෙයින් ඒ විධිවිධාන මේ වන විට බල රහිත වී තිබෙතැයිද අබේවර්ධන මහතා සඳහන් කළේය
ඉහත පනත 1897 දී වසංගත හා උපද්රව අවස්ථාවලදී වරාය සහ ගුවන් තොටුපළ හරහා ගමනාගමනය වෙනුවෙන් සංශෝධනය කළ ද එමඟින් දැනට පනවා ඇති සංචරණ සීමා තහනම ක්රියාත්මක කළ නොහැකි බවද වජිර අබේවර්ධන මහතා පෙන්වා දුන්නේය.
