(චමිලා අල්විස්)
හොරණ මීවනපලාන සිරිල්ටන්වත්ත ප්රදේශයේ පුද්ගලයකු බෝර දොළහේ ගිනි අවියකින් වෙඩි තබා ඝාතනය කර ඇති බව හොරණ පොලිසිය කියයි.
මෙසේ මියගොස් ඇත්තේ 45 හැවිරිදි දමිත් පුෂ්පකුමාර නැමැති විවාහක කුලී රැකියාවෙහි නියතු දෙදරු පියෙකි.
මියගිය පුද්ගලයා ඝාතනය කළ පුද්ගලයාගේ අනියම් බිරිඳ ඝාතනය සම්බන්ධයෙන් සැකපිට බන්ධනාගාර ගතව සිට පසුගිය අගෝස්තු 21 වැනි දා ඇප ලබා නැවත නිවසට පැමිණීමෙන් අනතුරුව ඒ සඳහා පලිගැනීමේ අරමුණින් මෙම ඝාතනය සිදුකර ඇත.
මියගිය පුද්ගලයා සිය බිරිඳ සමග රාත්රී වෙළඳසලකට ගොස් පැමිණෙමින් සිටියදී සැඟවී සිට සැකකරුට වෙඩි තබා ඇති අතර බිම වැටීමෙන් පසු නැවත වෙඩි පහරවල් දෙකක් එල්ල කර ඇති බව මියගිය පුද්ගලයාගේ බිරිඳ පොලිසියට පවසා ඇත.
වෙඩි පහර එල්ල වූ පුද්ගලයා එම ස්ථානයේම මියගොස් ඇති අතර මියගිය පුද්ගලයාගේ බිරිඳ විසින් පොලිස් හදිසි දුරකථන අංකයට අමතා වෙඩිතැබීම සම්බන්ධයෙන් පොලිසියට දැන්වීමෙන් පසු සිද්ධිය සම්බන්ධයෙන් පොලිසිය පරීක්ෂණ ආරම්භ කරඇත.
