එක්සත් ජනතා නිදහස් සන්ධානයේ විශේෂ පක්ෂ නායක රැස්වීමක් තව සුළු මොහොකින් කොළඹ ඩාලි පාරේ පිහිටි නිදහස් පක්ෂ මූලස්ථානයේදී පැවැත්වෙන බව හිටපු පාර්ලිමේන්තු මන්ත්රී තිලංග සුමතිපාල මහතා දැන් පැවැත්වෙන ශ්රීලනිප මාධ්ය හමුවේදී පැවසීය.
එම රැස්වීම සඳහා මහින්ද රාජපක්ෂ මහතාද එක්වීමට නියමිත බව ඔහු පැවසීය.
අද සවස 4ට ශ්රීලනිපයේ අමාත්යවරුන් සහ නියෝජ්ය අමාත්යවරුන්ගේ රැස්වීමක්ද කැඳවා ඇතැයි එම මාධ්ය හමුවේදී ප්රකාශ විය.
ශ්රීලනිප මධ්යම කාරක සභාව අද රාත්රී 8ට රැස්වන බවත් එක්සත් ජාතික පෙරමුණින් තරග කරන ඇමැති රාජිත සේනාරත්න ඇතුළු පිරිසගේ පක්ෂ සාමාජිකත්වය අහෝසි කිරීමට නියමිත බවත් දේශපාලන ආරංචි කියයි.
වැඩිදුරටත් අදහස් දැක්වූ තිලංග සුමතිපාල මහතා පවසා සිටියේ ජනපති මෛත්රිපාල සිරිසේන මහතාගේ ඊයේ ප්රකාශයෙන් මහින්ද රාජපක්ෂ මහතා පරදින බව කීවත් සන්ධාන පරදින බව නොකී බවයි. ඒ හේතුවෙන් එජාපය බියවී සිටින බවද ඒ මහතා ප්රකාශ කළේය.
