(බටපොල දීපාල් ද සිල්වා)

අම්බලන්ගොඩ ගාලුපාරේ මාදම්පේ පැරට් හන්දියේදී අද (22) උදේ 9.00ට පමණ යතුරුපැදියකින් ගමන් කරමිනි සිටි පුද්ගලයෙකුට වෙඩි තබා ඝාතනය කර ඇති  බව අම්බලන්ගොඩ පොලිසිය පවසයි.

මෙම පුද්ගලයා කුලීගොඩ, මහරුප්ප ප්‍රෙද්ශයේ පදිංචි 49 හැවිරිදි තිරිමාදුර අජිත් සොයිසා නොහොත් බෙනට් අජිත් නැමැත්තෙකි.

අම්බලන්ගොඩ සිට සිය නිවස බලා යතුරුපැදියකින් ගමන් ගනිමින් සිටියදී මෙම වෙඩිතැබීම සිදුව ඇති බව පොලිසිය කියයි. සිද්ධියෙන් බරපතල තුවාල ලැබූ යතුරුපැදිකරු බලපිටිය රෝහලට ඇතුළත් කළද ඒ වනවිටත් මියගොස් සිටියේය.

අම්බලන්ගොඩ පොලිසිය වැඩිදුර විමර්ශණ සිදුකරයි.